La decisiun sa basa sin ina sentenzia dal Tribunal federal. Quel aveva decis ch’il chantun haja mess memia bass la limita d’entradas ch’i dovra per survegnir las reducziuns.
Ils custs supplementars pertutgan ils onns 2017, 2018 e 2019. Tenor la lescha ston il chantun e las vischnancas mintgamai pajar la mesadad da las reducziuns da premias, ha declerà il directur per fatgs socials Guido Graf avant las medias.
Tranter 5'000 e 10'000 famiglias pertutgadas
Persunas pertutgadas che avessan atgnamain gì da bun la reducziun stoppian far nagut. La cassa da cumpensaziun dal chantun examineschia automaticamain las dumondas che sajan vegnidas renviadas aifer il temp pertutgà. Tut en tut èn pertutgadas tranter 5'000 e 10'000 famiglias.
La regenza lucernaisa aveva decis il 2017 d’adattar l’ordinaziun per la reducziun da premias perquai ch’il pievel aveva refusà d’augmentar il pe da taglia.
RR novitads 15:00