Lucerna – sustegn per politica d’asil

En il chantun Lucerna na pon vischnancas era en il futur betg cundecider, nua che fugitivs vegnan plazzads.

Fugitivs durant ina scolaziun. Bild in Lightbox öffnen.

Legenda da maletgs: Scolaziun davart il sa cuntegnair general per abitants d’in center d’asil en il chantun Lucerna. Keystone

Il suveran lucernais ha refusà in’iniziativa da la PPS cun 114’146 cunter 52’755 vuschs. Quai è ina cumpart da vuschs na da 68,4%. Auter che la partida populara avevan tut las partidas refusà l’iniziativa. Il Tribunal federal aveva era decidì che quella na saja parzialmain betg valaivla.

Pretensiuns betg realisablas

La regenza lucernaisa aveva argumentà ch’il chantun na possia betg pli ademplir ses duair envers la Confederaziun da surpigliar fugitivs, sche l’iniziativa vegnia acceptada. L’iniziativa pretendeva era che fugitivs stoppian midar suenter il pli tard in onn la vischnanca da domicil.

RR Novitads 17:00