Entaifer mo dus mais aveva il luf stgarpà bun 50 nursas. 25 da quellas en la regiun da Gurtnellen e Wassen. L'animal vegn uss intercurì da l'institut per patologia d'animals a l'universitad da Berna. Tenor las autoritads sa tracti d'in animal masculin da derivanza taliana. L'avrigl passà era quel vegnì fotografà a Seelisberg d'ina trapla fotografica.
En il chantun Uri haja dentant anc in segund luf. Quel saja sin via en l'ost dal chantun, datiers dal cunfin cun il Grischun.
RR novitads 14:00