Davart il luf na saja nagut enconuschent, han communitgà las autoritads da chatscha – ni davart la schlattaina, ni davart l’origin. Ils ultims onns han ins adina puspè vis lufs en il chantun Glaruna. L'emprim purtret d'in luf, dapi ses return mez ils onns 90 è stà quel dal 2016. Là han ins vis l'animal baud l'atun ed ha pudì filmar quel sur Mollis.
Tenor indicaziuns da las autoritads glarunaisas, saja l'agricultura preparada per il luf. Gia dapi intgins onns pon possessurs d'animals da niz sa drizzar vers cussegliaders davart chauns da protecziun per pigliar mesiras preventivas.
RR novitads 14:00
