Siglir tar il cuntegn

Header

cuntegn

Lufs en Svizra Novs studis chaschunan discussiun

La populaziun dal luf en las Alps svizras stoppia vegnir regulada activamain – sumegliant sco quai ch'i vegnia fatg cun success tar ils capricorns. Quai pretenda la conferenza da las regenzas dals chantuns da muntogna. Per proteger las muntaneras sin las Alps saja perquai d'elavurar clers criteris e la Confederaziun stoppia augmentar las prestaziuns da sustegn. A questa conculsiun vegn la conferenza sin basa da dus novs studis. I stoppia vegnir prendì mesiras per ina coexistenza stabila tranter il luf, l'uman ed ils animals da niz. Il dumber dals lufs en Svizra creschia a moda exponenziala. Ils ultims trais onns saja la populaziun sa dublegiada.

Interpretaziun cuntraria

La Gruppa Luf Svizra pretenda ch'ins mira a moda pli differenziada sin ils dus studis. Quels sajan en general interessants, l'institut che haja fatg els saja dentant fitg datiers da la chatscha. Quel haja en il passà gia fatg studis per regenzas en auters pajais che sajan criticas envers il luf. La gruppa crititgescha era ch'ils studis sa basian sin tesas da workshops cun sulettamain commembers dad autoritads dals chantuns da muntogna. Las tesas na dastgian ins betg interpretar sco constataziuns neutralas scientificas. Ils resultats differenziads discurrian cunter in sajettar il luf a moda arbitrara.

In fatg ch'ils studis preciseschian e la Gruppa Luf Svizra sustegnia saja la necessitad da sustegnair pli fitg la protecziun da muntaneras sin moda finanziala, persunala ed administrativa.

audio
Per tadlar: curt e cumpact
ord RTR Audio dals 20.09.2022.
laschar ir. Durada: 1 minuta.

RTR novitads 10:00

Artitgels legids il pli savens

Scrollar a sanestra Scrollar a dretga