Legenda:
Il guardiaselvaschina ha confermà che lufs han stgarpà il vadè.
Keystone
cuntegn
Svizra - Lufs stgarpan vadè a Son Gagl
Plirs lufs oriunds dal Calanda han stgarpà en il chantun Son Gagl in vadè novnaschì. Quai è l'emprima giada ch'i è mussà si en il chantun Son Gagl che lufs han attatgà muvel grond.
Fin uss avevan lufs be attatgà u stgarpà animals manidels. Cura ch'in pur haja controllà la mesemna saira sia muaglia da vatgas-mamma sin l'acla Valenserberg, haja el vesì co plirs lufs sajan s'allontanads. Quai scriva la Chanzlia chantunala dal Son Gagl. Il pur haja alura scuvrì il vadè novnaschì mort sin la pastgira.
