L’uvestg era tenor atgnas indicaziuns vegnì infurmà il mars davart il cas. Sin a quai ha el instradà ina cumissiun per laschar intercurir il cas – quella ha suenter las emprimas examinaziuns surdà il cas a la procura publica. Lezza ha alura ier saira laschà arrestà il suspectà.
Davart il spiritual e sia plaiv na datti nagins detagls. En connex cun il cas d'abus ha l'uvestg inditgà che quel saja capità avant tschintg ni sis onns. La diocesa ed l'uvestg spetgan uss sin ils resultats da l'inquisiziun e vulan lura decider co vinavant.