Siglir tar il cuntegn

Header

Autos novs sin in parcadi.
Legenda: Betg dapli, ma stabil. L'immatriculaziun d'autos novs en Svizra. Keystone
cuntegn

Svizra Luna da consumar en Svizra crescha

En Svizra sa sclerescha la luna da consumar. En ils emprims quatter mais dal 2016 è la dumonda per novs autos e per vacanzas aifer la Svizra restada stabila. Quai mussa l'indicatur da consum da l'UBS.

L'avrigl è l'index da consum da la banca UBS creschì da 1,4 sin 1,47 cumpareglià cun il mais avant. Tenor l'UBS èn ils signals positivs vegnids dal turissem e da l'immatriculaziun d’autos novs.

Vacanzas en Svizra empè en l'exteriur

Bain è l’immatriculaziun d’autos novs sa reducida in zic durant l’avrigl. Ma ella è restada stabila sin aut nivel, scriva la banca. Plinavant sa decida la populaziun svizra pli e pli savens per vacanzas aifer il pajais, quai ch’è in agid per il consum privat.

In frain per questa tendenza stabila saja il svilup modest da l'economia e la tema da perder la plazza da lavur.

6 grondezzas per calcular l'index

L’indicatur mussa il svilup dal consum privat en Svizra. Cun ina cumpart da bun 50 pertschient è quel lunschor la pli impurtanta cumponenta dal product naziunal brut da la Svizra. L’index sa cumpona da las suandantas grondezzas:

  • immatriculaziun d’autos novs
  • commerzi en detagl
  • dumber da pernottaziuns da Svizzers en hotels
  • index da luna da consuments
  • svilup da l’occupaziun
  • svieuta da cartas da credit exequida da l’UBS

RR novitads 10:00

Artitgels legids il pli savens

Scrollar a sanestra Scrollar a dretga