Siglir tar il cuntegn

Svizra «Ma vie de Courgette» - il meglier film svizzer 2017

L'istorgia d'in mat pitschen che crescha si en ina chasa d'uffants ha gudagnà il premi dal film svizzer Quartz. A Genevera, en il Bâtiment des Forces Motrices, è il film d'animaziun dal reschissur Claude Barras er vegnì onurà en la categoria meglra musica da film ed il premi spezial da l'academia.

purtret da Claude Barras, reschissur da film
Legenda: Il reschissur Claude Barras ha gudagnà in ulteriur titel cun ses film animà. Keystone

Il premi è dotà cun 25'000 francs. Il film «Ma vie de Courgette» è er stà nominà per in Oscar. Er il film «Die göttliche Ordnung» è vegni onurà cun trais premis uschia ch'ils dus films favurits han gudagnà tuttina blers premis.

Ils ulteriurs premis Quartz:

  • Meglier actur principal: Bruno Ganz («Un Juif pour l'example»)
  • Meglra actura principala: Marie Leuenberger («Die göttliche Ordnung»)
  • Meglier film documentar: «Cahier africain» da Heidi Speconga
  • Meglier film curt: «Bon voyage» da Marc Raymond Wilkins e «La femme et le TGV» da Timo von Gunten
  • Meglier actura secundara: Rachel Braunschweig («Die göttliche Ordnung»)
  • Meglier scenari: Petra Volpe «Die göttliche Ordnung»
  • Meglra musica da film: Sophie Hunger («Ma vie de Courgette»)
  • Meglra montascha: Kaya Inan per «Cahier africain»
  • Meglra camera: Simon Guy Fässler per «Aloys»
  • Meglier film animà: «Au revoir Balthazar» da Rafael Sommerhalder
  • Premi spezial da l'academia: Marie-Eve Hildbrand per casting e manar ils acturs en «Ma vie de Courgette»
  • Meglier film da diplom: «Digital Immigrants» da Norbert Kottmann e Dennis Stauffer

Plinavant è l'actur Bruno Ganz vegnì premià cun il premi d'onur.

En total èn vegnids inoltrads per il premi dal film svizzer 2017 98 films en 12 categorias. Tut ils films èn vegnids guardads e giuditgads da radund 350 commembers da l'Academia da films svizra.

RR novitads 22:00