En in'intervista cun la Neue Zürcher Zeitung ha la vicepresidenta da la Partida populara svizra ditg che la Svizra stoppia mussar dapli fermezza e betg adina dar suenter. Sco ina mesira pussaivla vesa Martullo-Blocher per exempel da stritgar las subvenziuns tar il traffic da transit.
Transports tras la Svizra vegnissan lura bler pli chars per l'Uniun europeica, ha Martullo-Blocher declerà a la NZZ. Ulteriurs champs d'agir vesa la cussegliera naziunala tar las relaziuns commerzialas cun l'UE e tar l'occupaziun dals blers Europeans en Svizra.
RR novitads 07:00