La reavertura da las scolas en Svizra è gartegiada bain. A questa conclusiun vegnan la magistraglia ed ils uffizis da scola. L'emprima agitaziun saja tschessada, scolaras e scolars sappian uss tge reglas da protecziun ed igiena che valian. Quai ha ditg Dagmar Rösler, la presidenta da l'Uniun tetgala da la magistraglia LCH. Ella na vul però anc betg discurrer d'in manaschi normal.
Er Silvia Steiner, la presidenta da la Conferenza svizra dals directurs chantunals d'educaziun, ha ditg ch'i saja anc memia baud da far ina bilantscha. L'emprim pass saja gartegià.
Ord l'archiv:
RTR ha accumpagnà a scolaras e scolars da Glion durant la reavertura da la scola.
video
Scolars e scolaras da Glion èn finalmain puspè en scola
Or da Telesguard dals 11.05.2020.
laschar ir. Durada: 2 minutas 52 Secundas.