Siglir tar il cuntegn

Header

Ina pendiculara.
Legenda: Strusch da cumpensar: per ils blers lieus vegni grev da gulivar ils deficits da questa stagiun. Keystone
cuntegn

Svizra Magunar ina magra stagiun

Las pendicularas svizras ston dumagnar ina stagiun d'enviern difficila. La fin da schaner han las pendicularas nudà in minus da 7,5% tar ils giasts ed in minus da 12,8% tar ils transports. Quai resulta dal monitoring da mesa stagiun da las Pendicularas svizras.

Suenter ch’il magher enviern ha procurà per in grev start da la stagiun per las pendicularas svizras, sa preschenta la situaziun la fin da schaner cun in minus marcant. Uschia noda il monitoring da mesa stagiun da las Pendicularas svizras damain giasts (-7,5%) sco er damain transports (-12,8%).

Las pendicularas grischunas han gì damain giasts or da la zona da l’Euro; ina consequenza dal ferm curs dal franc. Quai resulta en in minus da giasts da passa 15%.

Strusch atmosfera d’enviern

Procentualmain han las pendicularas en il Tessin nudà il pli grond deficit cumpareglià cun l’onn passà. En cifras munta quai: 90,5 damain giasts e 72,1% damain svieuta da transport. Il chantun ha patì fermamain da la mancanza da naiv.

Malgrà che l'ennevaziun en blers procuria per bunas pistas, smatgian las temperaturas da primavaira sin il gust da vulair ir cun skis, scrivan las pendicularas. Quai saja cunzunt da constatar tar ils giasts giu la Bassa. Vitiers vegnia l'influenza negativa dal ferm franc.

RR novitads 12:00

Il monitoring stagiunal

Las Pendicularas svizras fan dapi il 2010 in monitoring da la stagiun. Mintga mais vegn fatg ina rimnada da datas da svieuta e giasts en furma da provas represchentativas tar las pendicularas. Las datas lubeschan d’observar il svilup da la stagiun actuala en cumparegliaziun cun l’onn passà.

Artitgels legids il pli savens

Scrollar a sanestra Scrollar a dretga