Siglir tar il cuntegn

Header

Navigaziun

Purtret dal tetg da la chasa federala.
Legenda: Be 38% dals Svizzers sustegnan la politica che vegn fatga. Keystone
cuntegn

Svizra Maioritad dals Svizzers èn malcuntent cun politica

La marioritad da las Svizras e dals Svizzers n'è betg cuntenta cun la politica che vegn fatga en il pajais. Sulet 38% dals dumandads sustegnan quella. Cumapreglià cun l'onn passà è la cuntentientscha cunquai però creschida levet per 2%. Quai mussa ina retschertga represchentativa da Vimentis.

Il pli cuntents èn cun 60%, ils votants e las votantas da la PLD, il pli malcuntent èn ils votants e las votantas da la Lega. A la testa dal barometer da quitads giascha cun 13% la politica d'asil, suandada dal sistem da sanadad cun 12% e da las relaziuns cun l'Uniun europeica cun 9%. En la dumonda cun l'UE vulan prest dus terzs dals dumandads che la Svizra restia stricta tar las mesiras flancantas per proteger las pajas e las cundiziuns da lavur.

41% dals Svizzers èn encunter da desdir la libra circulaziun da persunas, quai sche las relaziuns bilateralas vegnissan messas uschia en privel. 37% fissan persuenter e 22% èn anc indecis. En il Tessin vulan ils votants da la PPS e quels da la Lega desdir la libra circulaziun da persunas.

Clima e politica d'asil la pli gronda sfida

Tar las temas varieschan ils quitads tut tenor vegliadetgna e tge partida ch'ins tutga. Votants pli giuvens fan dapli quitads pervi da la midada dal clima ed en general per l'ambient. Per commembers da la PPS èn temas d'asil e da migraziun la pli gronda sfida.

La retschertga da Vimentis

Personen-Box aufklappenPersonen-Box zuklappen

La retschertga è vegnida fatga online dal prim fin ils 30 d'october 2018. Radund 21'000 persunas èn sa participadas. Las datas èn vegnidas analisadas tenor differents criteris, sco vegliadetgna, sexualitad, chantun e furmaziun. Tenor Vimentis è la retschertga represchentativa. La quota da sbagl giascha tar ± 4%.

L'Organisaziun Vimentis è vegnida fundada il 2003 da studentas e students da l'Universitad da Son Giagl. Lur retschertga annuala stat sut il patronat dals presidents da partida da la PPS, la PS, la PLD, la PCD, la PBD, ils Verdliberals ed ils Verds.

RR novitads 17:00