Svizra - Maioritad dals Svizzers vul 2 fin 4 emnas congedi da paternitad
Passa 80% dals Svizzers vulessan 2 fin 4 emnas vacanzas per ils giuvens babs. Quai mussa ina retschertga represchentativa cun 861 persunas che Travail-Suisse ha laschà far.
Tenor Travail-Suisse è il sustegn per in tal project grond: e quai independentamain dal status social, vegliadetgna u schlattaina. Minim è era la differenza geografica per in sustegn d’in congedi da paternitad en Svizra. Uschia sustegna la Svizra romanda il congedi per babs cun stgars 90%, la Svizra tudestga be cun stgars 80%.
