En la Valtellina datti in alarm da bovas. Las autoritads han evacuà 150 persunas.
Suenter las malauras da l'emna passada, fa ina bova pussaivla en la vischnanca da Delebio puspè quitads. Ier saira ha la presidenta da vischnanca laschà evacuar 150 persunas. Ulteriuras 250 ston esser prontas da bandunar lur chasas, tut tenor il svilup.
Pervia da la ferma plievgia ch'ins spetga per la Valtellina Bassa teman las autoritads che material vegn a val.
Granella e plievgia ferma
A Turin hai dà ier saira granella e plievgia ferma. Sin videos è stà da vesair co in flum da granella ed aua va da la via giu. Sonda hai lura tutgà Milaun: Vias eran suenter ferma plievgia sut auta, han rapporta medias talianas. En il sid da l'Italia duai percunter dar oz fin a 40°C.
RR novitads 12:00