Siglir tar il cuntegn

Header

video
Ord Tagesschau: Ferma plievgia en Grischun e Tessin
Or da Tagesschau dals 29.08.2020.
laschar ir
cuntegn

Malauras en il Tessin En trais dis dapli plievgia che uschiglio durant l'entir avust

Fermamain pluvì hai surtut en la Planira da Magadino. Enfin la dumengia a bun'ura hai pluvì en la planira 243 mm per meter quadrat. Quai correspunda ad 1,3 giadas tant sco quai che croda en media durant l'avust en la regiun. A Locarno hai dà fin dumengia a bun'ura 254 mm, a Biasca 214 ed a Piotta en la Leventina hai dà 160 mm per meter quadrat. La pli blera plievgia, numnadamain 280mm, è vegnida mesirada a Cevio.

La ferma plievgia lascha dapi il venderdi crescher ils livels dad auals, flums e lais en il Tessin. Plirs auals e flums èn local ids sur las rivas. Er il livel dal lai da Lugano è creschì fermamain, dentant senza surpassar in livel critic.

Lai e flum cun fitg blera aua.
Legenda: Ferma plievgia en il Tessin: Il flum Cassarate maina blera aua a la sbuccada dal Lai da Lugano. Keystone

La ferma plievgia ha er chaschunà impediments, bovas da glitta ed inundaziuns en il chantun Tessin. Inundaziuns hai dà a Gandria al Lai da Lugano, sco er en il nord da Bellinzona. A Bissone è ida giu gia il venderdi ina bova da glitta.

RTR novitads 10:00

Artitgels legids il pli savens

Scrollar a sanestra Scrollar a dretga