Siglir tar il cuntegn

Header

Navigaziun

cuntegn

Malauras en il Vallais Tschertga da duas persunas sparidas cuntinua

Curt & concis:

  • Suenter ferms temporals datiers da Chamoson èn dus autos vegnids tschiffads da l'aual La Losentse.
  • Dapi lura èn sparidas duas persunas. Tenor la Polizia chantunala dal Vallais dura la tschertga anc, malgrà che la speranza da chattar ils sparids vivs tschessa.
  • L'aual La Losentse tar Chamoson, tranter Sion e Martigny è gia ì sur la riva avant in onn .
Chamoson sa chatta tranter Sion/Sitten e Martigny/Martinach.
Legenda: Chamoson sa chatta tranter Sion/Sitten e Martigny. SRF

A Chamoson en il chantun Vallais èn las forzas da salvament anc adina a la tschertga da las duas persunas sparidas.

Speranzas da chattar ils sparids vivs tschessan

La polizia dal chantun ha infurmà il glindesdi suentermezdi che las persunas sparidas na sajan anc betg vegnidas chattadas. I sa tractia dad in bab (37) e sia figlia (6). Tenor la polizia na dettia dentant pli nagina schanza da chattar els vivs. La pli auta prioritad tar la tschertga saja uss che las forzas da salvament na vegnian betg en privel.

En il Vallais hai dà dumengia saira ferms temporals uschia er a Chamoson en il Vallais Sut. Dapi lura tschertgan las forzas da salvament las duas persunas ch'eran vegnidas tschiffadas en lur auto dad ina bova.

Plinavant èn pliras vias interruttas pervi da las malauras en l'entir Vallais.

RR novitads 06:00++