Siglir tar il cuntegn

Header

cuntegn

Malauras en Svizra Stemprà derscha ina crana da 400 tonnas

Ferms urizis han cunzunt tutgà la regiun da Basilea ed il chantun Berna il venderdi saira. Per ina crana èn ils vents stads da memia.

Plantas derschidas, autos donnegiads, tetgs scuvrids ed ina gronda crana ch’è dada enturn. Uschia vesa ora la bilantscha dals donns da las autoritads dal chantun Basilea-Champagna, suenter ch’il stemprà è stà passà il venderdi saira.

Quai è stà da memia per ina crana

A Birsfelden han ils ferms suffels bittà enturn ina crana da 400 tonnas. Persunas na sajan betg vegnidas blessadas. Dentant saja il donn material considerabel – ha communitgà la polizia da Basilea-Champagna. Sinaquai han ins bloccà il conturn, damai ch'ina crana dal medem tip sa chatta gist dasperas. L'emprim hai gì num d'examinar la statica pervi dal stemprà.

Interrut il festival Lakelive

Er en la regiun bernaisa han ils urizis dal venderdi saira laschà enavos lur fastizs. A Bienna han ils organisturs stuì interrumper il festival open air Lakelive per radund in'ura, pervi d'in ferm stemprà. Cura ch'il pir è stà passà, han ins pudì cuntinuar cun il festival.

RR novitads 06:00

Artitgels legids il pli savens