En Svizra vegnì vinavant fundà novas firmas – malgrà corona. Il settember è il dumber da novas fundaziuns cun 3'777 creschì per 18% cumpareglià cun il medem temp da l'onn avant. Quai mussan las novas cifras da l'institut per interpresas giuvnas. Suenter ch'il dumber era ì enavos marcantamain ils mais da mars, avrigl e mai creschan quellas dapi il zercladur puspè a moda marcanta.
Ordvart bleras novas fundaziuns hai dà tar la branscha da coiffeurs e cosmetica sco er tar il marketing e la communicaziun.
Vesì sur tut ils trais quartals èn vegnidas fundadas 33'600 firmas. Quai è in plus da 2,5% en congual cun la medema perioda da l'onn avant. Il regress pervia da corona han ins pia puspè gulivà.
audio
Per tadlar: Las novitads da las 16:00
ord RTR Audio dals 01.10.2020.
laschar ir. Durada: 3 minutas 12 Secundas.
