Corona n'ha betg fatg che Svizras e Svizzers èn sa sentids en general mender il prim mez onn dal 2020. Il bainstar subjectiv era gia avant la crisa in dals pli auts en l'Europa e quel n'è strusch sa midà. Quai communitgescha l'Uffizi federal per statistica.
E quai ch'el communitgescha medemamain è che la fidanza en las autoritads è creschida significantamain, numnadamain da 47,5 sin 54%.
Cun il cumenzament da la crisa ha la populaziun svizra dentant fatg dapli quitads pervi da la situaziun finanziala e pervi da la segirtad da la plazza da lavur.