Siglir tar il cuntegn

Header

cuntegn

Svizra Malgrà critica na mida la banca naziunala betg ses maini

I na sa mida nagut. La banca naziunala svizra resta tar sia politica monetara da l'ultim temp. Vul dir, ella resta tar il tschains negativ da -0,75% sin contos da giro.

I n'è nagina surpraisa che la banca naziunala na mida betg ses curs. Quasi tut ils experts han quintà quai. Questa giada saja la banca naziunala betg sut squitsch quai che pertutga las decisiuns en connex cun sia politica monetara.

Lev optimissem

La banca naziunala Svizra è schizunt in zic pli optimistica ch'il zercladur passà. Ella prevesa in creschament da 1,5% per l'economia svizra. La situaziun sin il martgà da devisas ed en l'economia mundiala na saja strusch sa midada. Il franc svizzer saja anc adina survalità. Perquai resta la banca tar il tschains negativ da -0,75%. Il medem mument vul ella vinavant restar activa al martgà da devisas per flaivlentar il franc.

RR novitads 11:30

Artitgels legids il pli savens