Siglir tar il cuntegn

Header

cuntegn

Malgrà la pandemia Coop augmenta svieuta per 5,4%

Coop ha fatg l'onn passà ina svieuta totala da 31,8 milliardas francs. Cumpareglià cun l'onn 2020 è quai in augment da 5,4%.

Buna svieuta tar il commerzi en detagl

Cunzunt s'augmentada è la svieuta dal commerzi en detagl. Il retgav net è creschì per 2,6% sin 19,6 milliardas francs. Tenor il Coop èn las svieutas dals supermartgads uschia puspè sin il nivel da record da l'emprim onn da corona.

Er il commerzi a l’engrossa e la producziun èn sa sviluppadas a moda positiva.

Augment tar las butias online

En il commerzi online noda Coop in plus da 350 milliuns francs sin radund 2 milliardas francs. Creschì per sur 10% è il supermartgà online Coop.ch, ils shops online dals martgads da construcziun, sco er las butias online da mobiglias e lampas Livique e Luminart.

audio
Per tadlar curt e cumpact
ord RTR Audio dals 06.01.2022.
laschar ir. Durada: 28 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga