- Era sch'il cusseglier federal da la PLD Ignazio Cassis è sut pressiun da la sanestra, el vul restar minister da l'exteriur.
- Era in midament dal departament na stettia betg en discussiun.
- Ch'el stettia en il focus, declera Cassis tranter auter ch'el saja sco Tessinais dischavantagiads.
El n'haja insumma nagin gust da midar e veglia anc far ditg quest job. Quai ha il Tessinais da 58 onns ditg envers il «SonntagsBlick». Sco el ha ditg, veglia el anc almain diesch onns far ses job sco minister da l'exteriur.
Ch'el e nagin auter commember dal Cussegl federal è en il focus, declera Cassis tranter auter ch'el sco Tessinais saja en dischavantatg.
Las minoritads èn simpaticas per in pled d'emprim d'avust. Sch'i va dentant per repartiziun da pussanza na giogan els nagina rolla pli.
Cassis è sut pressiun en vista a las elecziuns da renovaziun totala dal Cussegl federal ils 11 da december. Quai pervi dals Verds che han mustgas sin in sez en il Cussegl federal suenter lur buns resultats en las elecziuns dal parlament.
Ord l'archiv
Gia en l'emissiun Rundschau da SRF dals 13 da november èn las attatgas sin la sutga da Cassis vegnidas tematisadas.
video
Ignazio Cassis è sut pressiun
Or da Rundschau dals 13.11.2019.
laschar ir. Durada: 16 minutas 29 Secundas.
RR novitads 09:00