Siglir tar il cuntegn

Header

Purtret dal tarpun cotschen vid.
Legenda: Il tarpun cotschen è restà vid quest onn. Reuters
cuntegn

Malgrà nagina festa Premi da film svizzer en l'ensaina da las dunnas

Il premi da film svizzer che fiss stà il venderdi, fiss daventà ina festa da las dunnas. En 8 dad 11 categorias sajan dunnas las victuras, communitgescha l'Uffizi federal da cultura. En tut las categorias ch'acturas u producentas da film sajan stadas nominadas, hajan quellas fatg la cursa.

Tranter auter è «Le milieu de l'horizon» da Delphine Lehericey vegnì onurà sco meglier film ed «Immer und Ewig» da Fanny Bräuning, sco meglier film documentar. Quest film ha er gudagnà il premi per la meglra musica da film. Maja Gehrig ha gudagnà cun «Average Happiness» en la categoria da meglier film d'animaziun e Joanne Giger cun «Le milieu de l'horizon» en la categoria dal meglier script.

Pervia da la crisa actuala, duain ils premis vegnir surdadas l'avust en il rom dal festival da film a Locarno.

Ord l'archiv da SRF:

La Sternstunde Kunst da SRF è sa fatschentada ier saira cun il Premi da film svizzer.

video
Nua tutgain nus – Runda da critica dal Premi da film svizzer
Or da Sternstunde Kunst dals 22.03.2020.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga