En tut hai dà sustegn per radund 43'500 uffants e 98'120 creschids. Quai munta da 1'000 uffants, han 28 duvrà ina mesira da protecziun e da 1'000 creschids 14. Tar ils uffants èn stadas en il center dumondas dal dretg da visita, tar ils creschids il sustegn per pudair agir independent.
Dumondas dal dretg da visita dals uffants
Tar ils uffants èn sur tut dumondas en connex cun il dretg da visita stadas en il center. En prest la mesadad dals cas (passa 19'000) han las persunas d'assistenza gidà ils pertutgads tar conflicts ch'i ha dà pervi dal dretg da visitar ils uffants.
Quests problems haja dà savens durant la pandemia ed ils mais da lockdown, perquai ch'ils contacts socials han stuì vegnir reducids. Perquai ha la KESB er dà or in fegl d'infurmaziun che di che visitas tranter uffants e geniturs pon e duain vinavant avair lieu.
Agid per agir independent tar creschids
Tar creschids è il sustegn per agir independent central. En 83% dals cas sa tracti da curatella da represchentaziun, tar las qualas la persuna d'assistenza sustegna il pertutgà u la pertutgada d'agid independentamain. Uschia po vegnir elavurà in budget u ch'i vegn mussà co per exempel il tschains chasa po vegnir pajà.
Er qua ha stuì vegnir elavurà in fegl d'infurmaziun areguard il vaccinar e tgi che po dar il consentiment per ina virola. Da principi ha la persuna pertutgada sezza il dretg da decider sch'ella è abla da giuditgar. Sche quai n'è betg il cas, decidan terzs. La persuna pertutgada è dentant da cumpigliar en la decisiun e d'infumar.