Siglir tar il cuntegn

Header

cuntegn

Malgrà schluccadas 40% da la glieud sa senta vinavant sut stress

40 pertschient dals Svizzers e da las Svizras sa senta era suenter las schluccadas sut stress. Quai mussa in studi da l’universitad da Basilea.
Durant il lockdown eran 50 pertschient dals participants da la retschertga online pli stressads ch'avant la crisa da corona. Suenter è la cumpart sa sbassada levet. Tar ils facturs da stress tutgan malsegirezza, novas cundiziuns da lavur e contacts socials che mancan.

Il studi mussa dentant er, ch'in terz da tut ils dumandads n'èn betg pertutgads dad effects negativs. Tranter quels sajan ina gronda part persunas sur 55 onns – pia er persunas or da la gruppa da ristg.

«Swiss Corona Stress Study»

Textbox aufklappenTextbox zuklappen

La segunda runda dal «Swiss Corona Stress Study» da l'universitad da Basilea ha resguardà il temp dals 11 da matg fin il prim da zercladur. Var 10'000 persunas èn sa participadas.

Dapli persunas cun grevs simptoms da depressiun

La cifra auta fa er surstar il manader dal studi, Dominique de Quervain. Sco ch'el ha ditg envers SRF hajan ins pudì quintar plitost cun in regress. I saja dentant impurtant da tegnair en egl e da reagir er sin ils problems psichics. Dapli stress sappia numnadamain manar tar sintoms da depressiun. Avant il lockdown hajan var 3% da la populaziun gì grevs sintoms . Tenor la pli nova retschertga sajan quai 12%.

RTR novitads 11:00

Artitgels legids il pli savens

Scrollar a sanestra Scrollar a dretga