Var 40'500 persunas han tranter il 2011 e 2015 mintg'onn survegnì cancer. Quai correspunda a radund 2'000 cas dapli ch'ils tschintg onns avant. L'augment ha cunzunt da far cun il fatg, che la populaziun daventa adina pli veglia.
Betg creschì durant quest temp è il ristg da survegnir cancer. Quai mussa la statistica da sanadad 2019 da l'Uffizi federal da statistica ch'è vegnida publitgada il mardi. Il ristg da survegnir cancer saja durant quest temp schizunt sa diminuì.
Ristg da murir da cancer è pli bass
Aifer 30 onns è la quota standardisada da mortoris sa reducida tar las dunnas per 27% e tar ils umens per 37%. Concret vul quai dir, ch'il ristg da murir da la malsogna cancer è ozendi per ina dunna per in quart pli bass ch'anc avant 30 onns. Tar ils umens è la differenza schizunt pli gronda che in terz.
Ord l'archiv:
RR novitads 11:00