Siglir tar il cuntegn

Header

cuntegn

Malsognas contagiusas Pli schuber il portg – e main problems cun la pesta da portgs

Pli schuber ch'il portg vegn tegnì – e pli paucs problems datti cun la pesta da portgs africana. D'in studi da l'institut per virologia ed immunologia Agroscope ensemen cun l'universitad da Berna resulta che la malsogna passa lura pli spert e medegescha cumplettamain. Quai ils resultats sin basa da tests cun virus indeblids ch'èn publitgads en la revista «POS Pathogens». Ils resultats gidian ad accelerar il svilup dad in vaccin cunter il virus. In virus ch'è uschè cumplex, ch'i na dat anc nagin vaccin effectiv cunter el.

Il virus chaschuna ina fevra mortala tar portgs domestics e selvadis. Tras l'epidemia daventan malsauns tschients milliuns d'animals en l'Africa, en l'Europa ed en l'Asia – Quai che munta problems economics e socials en ils stadis pertutgads. Il virus actual maina a la mort da l'animal aifer paucs dis.

En Svizra n'èn anc nagins cas da la pesta da portgs africana enconuschents. Tuttina examinescha l'institut Agroscope las mutaziuns dal virus che cursescha en l'Europa. Quai per esser preparà per il cas che la pesta da portgs entra en Svizra ubain era sco infurmaziuns per ils servetschs veterinaras.

RTR novitads 14:00

Artitgels legids il pli savens