La Polizia chantunala lucernaisa ha confermà infurmaziuns da SRF. Las 2 persunas sajan mortas la dumengia en il plaun sutterran da lur chasa a Dierikon.
Malauras han furià en plirs chantuns
Las regiuns pertutgads fermamain èn la Svizra centrala ed ils chantuns Berna e Turitg. La citad da Lucerna saja stada inundada entaifer curt temp, rapporta la Neue Luzerner Zeitung e sa basa sin perditgas. Era en las aglomeraziuns sajan vias e tschalers stads inundads. En il chantun Lucerna eran radund 20 corps da pumpiers en engaschament cumplain.
Bler'aua era a Berna
Ils urizis han era tutgà ils chantuns Sur- e Sutsilvania, Sviz e Turitg. A Berna ha laina da grava periclità per muments il quartier Matte. Ed en la Part sura bernaisa ha ina bova cuvert la via tranter Thun ed Interlaken.
RR Novitads 06:00