Per la 11avla giada ha Travail.Suisse intercurì las pli autas e pli bassas pajas da 27 interpresas en Svizra. Malgrà l'iniziativa da raffaders na saja quai betg grategià da franar l'augment da paja dals top-managers, ha ditg il vicepresident da Travail.Suisse Jacques-André Maire.
Schefs pon gudognar 230 giadas dapli
Tar las bleras interpresas grondas sajan las pajas da manaders da fatschenta creschidas, uschè Jacques-André Maire. Sco exempel per pajas da managers memia autas ha el numnà il concern Roche, nua ch'il schef gudogna 230 giadas dapli ch'il collavuratur cun la pli pitschna paja.
Midadas profundas sajan necessarias
Plinavant ha Travail.Suisse concludì ch’indemnisaziuns d’entrada e da partenza sajan usitadas. Tenor il sindicat mainia quai ad ina mancanza da fidanza tranter la populaziun e l’economia. Perquai pretenda il sindicat ina revisiun dal dretg dad aczias, transparenza tar taglias da grondas pajas ed ina fin da la politica da taglias bassas per fatschentas.
RR novitads 11:00