En Svizra planiseschan differents manaschis da traffic da remplazzar grondas parts da lur flottas da bus da diesel cun bus neutrals al clima. Cunquai prestan els in'impurtanta contribuziun per cuntanscher las finamiras dal clima da la Svizra.
Perquai pretendan ils manschis però che las cundiziuns da basa vegnian meglieradas. Ad ina conferenza da medias han ils manaschis e l'uffizi federal per energia infurmà davart lur plans e propostas. La finamira è ch'il traffic public daventa fin il 2050 anc ina giada per 30% pli effizient e che las emissiun da CO2 crodian dal tut.