Siglir tar il cuntegn

Header

Lavurants che fan lavurs vid ina pitga da tensiun auta.
Legenda: Keystone
cuntegn

Mancanza d'energia Svizra sa prepara sin in «blackout»

Sch'i vess da dar ina gronda mancanza d'energia en Svizra po il Cussegl federal ordinar a las interpresas da spargnar fin 30% electricitad. Radund 30’000 interpresas grondas vegnan perquai instruidas en ina broschura co ch'igl è da sa cumportar sch'i dat ina tala mancanza. Quai ha l'organisaziun per il provediment d'electricitad Ostral confermà envers la «NZZ am Sonntag».

L'organisaziun è vegnida fundada sin incumbensa dal Cussegl federal. Sin la pagina d'internet da quella vegn er il minister d'energia Guy Parmelin a pled. Sch'i dettia sur emnas u schizunt mais ina mancanza d'energia vessia quai enormas consequenzas. Las interpresas vegnan perquai er intimadas da far patratgs co ch'ellas pon spargnar energia.

audio
Parmelin: «Fatschentas stuessan reducir lur purschidas»
aus RTR Audio vom 17.10.2021.
abspielen. Laufzeit 20 Sekunden.

Stgarsezza smanatscha gia en paucs onns

Tenor in rapport da la Confederaziun da quest'emna pudessi gia dar en paucs onns ina stgarsezza d'energia durant ils mais d'enviern. Er la branscha d'energia da fatschenta sa fatschenta cun la smanatscha. L'associaziun da la branscha Powerloop vul ils proxims onns perquai construir 2'000 pitschnas ovras da gas, repartidas sin l'entir pajais. Talas ovras pitschnas datti gia en Svizra. Quellas produceschan l'enviern electricitad e chalur il medem temp.

audio
Per tadlar curt e cumpact
aus RTR Audio vom 17.10.2021.
abspielen. Laufzeit 1 minuta 8 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga