En Svizra datti vinavant memia paucs medis da chasa. Fin il 2030 pudess la situaziun anc daventar pli critica. Grazia a dapli plazzas da studi e perquai ch'igl è vegnì prendì mesiras per render la professiun pli attractiva, duess la situaziun cun medis da chasa en Svizra dentant sa meglierar a partir dal 2040.
Tenor in studi da l'uniun medis da chasa e d'uffants Svizra saja la cuntentientscha en la lavur s'augmentada considerablamain tar ils medis ed il dumber da praticas communablas saja daventà 3 giadas pli aut ils davos 10 onns.
Actualmain èn 15 % dals medis da chasa e 5% dals medis d'uffants che pratitgeschan sur 65 onns vegls. Ed er en futur vulan 39% dals medis da chasa ir en pensiun pir suenter la vegliadetgna da 65 onns.