En Svizra è 2021 mintga quarta media e mintga quart medi stà sur 60 onns. En tut han radund 25'000 persunas lavurà sco medias e medis en Svizra. Anc pli grond è la cumpart da medis e medias curt avant la pensiun en la sparta spezialisada medicinala.
La nova generaziun saja per gronda part feminina. Da tut las medias ed ils medis sut 45 onns eran passa 60% dunnas. Il 2021 devi tut en tut bun 17'000 praticas da medis e centers ambulants en Svizra. Las cifras ha l'Uffizi federal da statistica publitgà.