40 % dals ospitals hajan problems da chattar persunal per la sparta d'operaziuns, 1/5 discurran perfin da problems acuts. L'Uniun svizra d'ospitals vul ussa far pli attractiv e pli enconuschenta la lavur en las salas d'operaziun.
Guerra per talents
Tranter ils ospitals ed autras branschas regia ina “guerra per talents” ha ditg Bernhard Wegmüller, il directur da H plus. I dettia pli paucs giuvens ma dapli plazzas che sajan d’occupar. Ins vuless lavurar cun entraders laterals, uschenumnads Quereinsteiger declera era Urs Sieber, manader da Oda Santé. Els tschertgian persunas che han serrà giu in emprendissadi e che vulessan far la scola auta per tecnica d’operaziuns. Quels gidan da planisar ed organisar operaziuns. Durant in’operaziun ston els alura dar al medi il dretg mument l’instrument necessari. Ma senza emploiads da l'exteriur na saja quai betg pussaivel.
RR novitads 9:00