Siglir tar il cuntegn

Header

Ieli da stgaudar.
Legenda: La taxa da CO2 vegn incassada sin carburants sco ieli da stgaudar u gas natiral. Keystone
  1. Novitads
  2. Svizra
  3. Artitgel actual
cuntegn

Manchentà finamira da clima Taxa da CO-2 crescha il 2022

Davent da l'onn proxim custa la taxa da CO2 da nov 120 francs enstagl da 96 francs per tonna da CO2. L'augment da la taxa capita automaticamain. La raschun saja ch'il sbuf da CO2 en connex cun brischar ieli da stgaudar e gas sa sminueschia memia pauc svelt en Svizra.

Autur:

Las emissiun da CO2 ord carburants sajan restads il 2020 bunamain sin medem nivel sco l'onn avant, scriva l'Uffizi federal d'ambient. Cumpareglià cun l'onn da referenza 1990 muntia quai ina reducziun da 31%, tge che na tanschia betg. La finamira saja stada da reducir il sbuf per almain in terz, pia 33,3%. Perquai vegn la taxa auzada automaticamain, sco quai che l'ordinaziun federala da CO2 prevesa.

Taxa da CO2

Avrir la boxSerrar la box

La taxa da CO2 vegn incassada dapi il 2008 sin carburants fossils, sco ieli da stgaudar u gas natiral. Cun la taxa vul la Confederaziun promover il diever spargnus sco er il diever da funtaunas d'energia ch'èn favuraivlas al clima.

Sche las finamiras intermediaras ch'èn prevesidas en l'ordinaziun da CO2 na vegnan betg cuntanschidas, s'augmenta la taxa automaticamain.

Dus terzs da la taxa da CO2 survegnan la populaziun svizra e l'economia enavos, per exempel via ina reducziun da las premias da la cassa da malsauns. Uschia profitescha tgi che dovra pauc.

audio
Per tadlar curt e cumpact
ord Novitads dals 07.07.2021. Maletg: rtr
laschar ir. Durada: 1 minuta 6 Secundas.

RTR novitads 12:00

  1. Novitads
  2. Svizra
  3. Artitgel actual

Artitgels legids il pli savens

Scrollar a sanestra Scrollar a dretga
cuntegn dal modal
Menu

Tschertga

Navigaziun principala

Enquista en Modal

(Vegn avert en ina nova fanestra.)