L'aviatica svizra sa participescha ad exercizis militars da la Nato. Quels èn enfin ils 13 d'october en il sid da l'Italia en la Regiun Apulia. Tenor il departament da defensiun èn 45 commembers da l'armada e 5 aviuns da cumbat F/A18 integrads en ils manevers.
Cun ina collavuraziun internaziunala vul l'armada svizra rinforzar sias abilitads da defensiun. En tut fan 13 pajais part da l'exercizi ch'è mintg'onn. La Svizra è dapi stgars 20 onns da la partida.