En media vegnian mazlarias per exempel controlladas mintga trais onns, sco che la controlla da finanzas communitgescha. Tar butias da bains purils capitan las controllas en media mintga 13 onns (tar quests èsi prescrit ina controlla mintga 4 onns).
L'igiena da mangiativas è impurtanta. Avant curt han retschertgas mussa ch'ina da quatter provas en restaurants grischuns è manglusa.
Er quels manaschis da catering che la Controlla da finanzas ha intercurrì, èn vegnids controllads da rar: En media mintga otg onns. Tar supermartgads e pasternarias èsi er dapli che 2 onns.
I na saja gnanc pussaivel da far avunda controllas, scriva la controlla da finanzas. Sin in controllader vegnian en tscherts chantuns 400 manaschis. In controllader possia però controllar mo 200 per onn. En il Vad, a Berna ed a Zug èsi schizunt 1000 manaschis pro controllader.