Siglir tar il cuntegn

Header

cuntegn

Mangiativas Chantuns tralaschan controlas da gastro e producents

Mintga 2 onns ston manaschis che produceschan u furneschan mangiativas vegnidas controlladas. La Controlla federala da finanzas ha ussa constatà che blers chantuns na sa tegnan betg vi da quai.

En media vegnian mazlarias per exempel controlladas mintga trais onns, sco che la controlla da finanzas communitgescha. Tar butias da bains purils capitan las controllas en media mintga 13 onns (tar quests èsi prescrit ina controlla mintga 4 onns).

L'igiena da mangiativas è impurtanta. Avant curt han retschertgas mussa ch'ina da quatter provas en restaurants grischuns è manglusa.

Er quels manaschis da catering che la Controlla da finanzas ha intercurrì, èn vegnids controllads da rar: En media mintga otg onns. Tar supermartgads e pasternarias èsi er dapli che 2 onns.

Mangiativas che vegnan controlladas.
Legenda: Mangiativas che vegnan controlladas. Keystone

I na saja gnanc pussaivel da far avunda controllas, scriva la controlla da finanzas. Sin in controllader vegnian en tscherts chantuns 400 manaschis. In controllader possia però controllar mo 200 per onn. En il Vad, a Berna ed a Zug èsi schizunt 1000 manaschis pro controllader.

audio
Per tadlar: las novitads da las 07:00
ord RTR Audio dals 19.01.2023.
laschar ir. Durada: 4 minutas 56 Secundas.

RTR novitads 07:00

Artitgels legids il pli savens

Scrollar a sanestra Scrollar a dretga