Siglir tar il cuntegn

Header

cuntegn

Mangiativas Interpresas èn prontas da reducir il zutger en il nutriment

En Svizra duai il cuntegn da zutger en las mangiativas vinavant sa reducir. Sin quai èn sa cunvegnids il cusseglier federal Alain Berset e 10 ulteriuras interpresas svizras.

Ina da las finamiras è da reducir 10% il zutger en bavrondas dultschas e las bavrondas da latg. Quai ha communitgà il Departament federal da l'intern. Tar las firmas ch'èn sa cunvegnidas a las finamiras tutgan tranter auter Coca Cola Svizra, Ramseier Suisse e la Rivella Group. En general dettia adina dapli firmas che produceschian mangiativas che sajan prontas da reducir voluntariamain il zutger, scriva il departament vinavant.

Entant ch'ins è vegnì perina cun il zutger n'è quai betg il cas tar il sal. Da per exempel reducir il sal en schuppas u sosas da salata n'è betg gartegià. Cun radund 9 grams per chau, saja il consum en Svizra cleramain pli aut ch'ils 5 grams che l'Organisaziun mundiala da la sanadad, WHO recumonda.

audio
Per tadlar curt e cumpact
ord RTR Audio dals 14.02.2023.
laschar ir. Durada: 1 minuta 4 Secundas.

RTR novitads 17:00

Artitgels legids il pli savens