Las manifestaziuns sajan stadas annunziadas per 20 citads rapporta l'agentura da novitads svizra SDA. Tenor emprimas stimaziuns sajan stadas 15’000 persunas sin las vias da Turitg, tranter 8’000 e 10’000 persunas sin quellas da Berna e radund 5’000 sin quellas da Losanna. Er a Basilea, Lucerna, Son Gagl u Winterthur hajan millis da persunas manifestà per il clima.
I sa tracta dal quart di da mobilisaziun en Svizra. Cumpareglià cun l'emprim di il schaner sa participeschian uss persunas da tuttas vegliadetgnas, scriva la SDA. Per l’emprima giada sajan las manifestaziuns vegnidas organisadas la sonda, per che er persunas che lavuran possian prender part.
RR novitads 17:00
