Siglir tar il cuntegn

Header

cuntegn

Svizra Manischunzs da bus pateschan adina dapli da stress

Il sindicat dal persunal dals transports (SEV) fa attent sin la sanadad dals manischunzs e las manischunzas dal traffic public. Tenor ina retschertga dal sindicat pateschan marcantamain dapli manischunzs ch'anc avant otg onns da disturbis da durmir, d'appetit e da digestiun.

En Svizra sa sentan manischunzas e manischunzs da bus adina pli stressads.

Quai mussa ina retschertga dal sindicat dal persunal dals transports (SEV). La retschertga è ida a 2’500 emploiads d’interpresas da transport en Svizra.

500 han participà a la retschertga.

Mintga segund manischunz ha inditgà d’avair sintoms sco tema, stress u stancladad. Tenor la retschertga è la situaziun sa pegiurada dapi il 2010. Las raschuns per il stress vesan ils manischunzs tar automobilists e velocipedists agressivs sco era tar passagiers difficils.

RR novitads 11:00

Artitgels legids il pli savens