Il Prix Montagne è dotà cun 40'000 francs. Il premi è vegnì surdà oz mardi a Berna. Timbaer producescha, tenor atgnas indicaziuns, skis cun ils quals ins po ir sportiv senza duvrar blera forza. Mintg'onn vegnan vendids enturn 100 pèra skis da Timbaer. Daspera sviluppan e produceschan els era anc skis per autras marcas.
Nominà per il Prix Montagne dal 2021 è er stada l'interpresa «Alphüsli Spezialitäten» da Poschiavo. Quella venda spezialitads grischunas sin fieras en l’entira Svizra. Avant in onn aveva l'interpresa da Glion «communicaziun.ch» gudagnà il Prix Montagne.