Siglir tar il cuntegn

Header

Navigaziun

Purtret da Marc Funk durant ina preschentaziun.
Legenda: Marc Funk daventa il nov CEO dal concern da chemia speziala Lonza. Keystone
cuntegn

Svizra Marc Funk daventa CEO da Lonza

Il prim da mars datti ina midada a la testa dal concern da chemia speziala. Il CEO Richard Ridinger sa retira. Successur daventa Marc Funk ch'è il mument il schef operativ da la divisiun farma e biotech. Dapi il 2014 maina Funk questa divisiun.

Richard Ridinger haja giavischà da dar giu ses post sco schef dal concern, suenter ch'el haja manà la fatschenta set onns cun success, scriva Lonza. El planiseschia da pudair esser activ en futur en posiziuns betg executivas tar differentas fatschentas.

Dapli svieuta – pli pauc gudogn

Il concern da chemia speziala ha fatg dapli svieuta e damain gudogn l'onn passà. Cumpareglia cun l’onn avant è la svieuta s'augmentada per 9% sin 5,5 milliardas francs. Il gudogn è sa reducì per 1,1% sin 659 milliuns francs. Las prognosas per quest onn sajan positivas.

RR novitads 09:00