Il gudogn da la banca Julius Bär è sa sminuì per passa 60% sin 108,8 milliuns francs l’emprim mez onn. Senza metter da la vart 350 milliuns dollars per il chasti ch’ella sto pli probabel pajar en la dispita da taglia cun ils Stadis Unids, avess ella fatg cun 384 milliuns francs 34% dapli gudogn. Las aczias da Julius Bär han avert cun in minus da 3,3% suenter che las cifras dal prim mez onn èn vegnidas publitgadas.
Ina cunvegna cun ils Stadis Unids n’ha la banca anc betg cuntanschì. Els sa sprovian dentant da chattar uschè spert sco pussaivel ina soluziun.
RR novitads 10:00