Svizra - Marcantamain dapli controllas da lavur naira
La Confederaziun ed ils chantuns han danovamain impundì dapli resursas per cumbatter la lavur naira en Svizra. Il dumber da las controllas da persunas saja creschì marcantamain, communitgescha il Secretariat statal per economia SECO.
L'onn passà han las autoritads chantunalas controllà passa 38'900 persunas pervi da suspect da lavur naira, quai ch'è in plus da 12% cumpareglià cun l'onn avant. Tar las interpresas è il dumber stà contant cun total 12’000 controllas. Ils cas ch'èn la finala vegnids sancziunads, èn però sa reducids per 13%.
