Svizra - Marcantamain dapli fugitivs als cunfins svizzers
Il dumber dals fugitivs illegals a las duanas en il sid da la Svizra è creschì marcantamain. L’emna passada han 240 persunas empruvà da vegnir sur l’Italia illegalmain en Svizra.
Las emnas avant era quai per emna mintgamai 70 persunas, ha ditg in pledader da la guardia da cunfin. Il dumber dals guardia da cunfin vegn uss augmentà. Cunzunt il dumber da documents sfalsifitgads saja s’augmentà ed era il diever da bus regiunals saja creschì.
L’onn passà eran ils pli blers fugitivs da la Siria, quest onn vegn la gronda part da la Somalia, la Gambia u da Liberia.
