Legenda:
Malgrà la pli auta sensibilitad, moran mintg’onn anc adina passa 50 motociclists sin las vias svizras.
Keystone
cuntegn
Svizra - Marcantamain pli paucs morts cun il töf
Il dumber dals motociclists che ha in accident mortal en sa reduci davent dal 1992 enfin il 2014 per passa la mesadad. L’onn passà èn 53 motociclists morts sin las vias en Svizra, il 1992 eran quai anc 132, communitgescha l’Uffizi federal da statistica.
Quai saja remartgabel, perquai ch’en il medem temp, saja il dumber da töfs registrads s’augmentà per dapli ch’il dubel, scriva il post spezialisà per vehichels a duas rodas. La raschun ch’i dat pli paucs morts cun il töf è tenor il post spezialisà la pli auta sensibilitad dals motociclists e la maniera da manischar.
