En Svizra desistan adina dapli pèrs da nozzas en baselgia, quai rapportan las gasettas da la dumengia sa referind sin la statistica da l’institut pastoral-sociologic svizzer.
Tenor quel è il dumber da las maridaglias catolicas sa reducì dapi il 2011 per radund in terz sin passa 3400. Il dumber da las maridaglias civilas percunter è restà stabil cun mintg'onn 40’000. Sco raschun principala per quest svilup numnan ils represchentants da la baselgia la perdita da la muntada da la religiun en il mintgadi.
