Siglir tar il cuntegn

Header

Navigaziun

Christa Markwalder.
Legenda: Tenor la cumissiun d'immunitad dal Cussegl naziunal resta Christa Markwalder (PLD Berna) immuna. Keystone
cuntegn

Svizra Markwalder resta immuna

La cussegliera naziunala Christa Markwalder na sto probabel betg temair ina persecuziun penala en connex cun l’affera dal Kasachstan. La cumissiun d’immunitad dal Cussegl naziunal ha decidì oz che la cussegliera naziunala resta protegida entras l’immunitad.

Cun la protecziun d’immunitad ha il Cussegl naziunal cunquai refusà ina pretensiun da la procura publica. La cumissiun pretenda dentant ch’il biro dal Cussegl naziunal decidia mesiras disciplinaras. Quai per dar in tschert signal, ha ditg il vicepresident da la cumissiun Gerhard Pfister (PCD Zug).

Avant in mais aveva il biro dentant decis unanimamain da betg disciplinar Christa Markwalder. Sco proxim sto la cumissiun d’immunitad dal Cussegl dals chantuns decider.

RR novitads 15:00