La cussegliera naziunala da la PLD Christa Markwalder ha dà vinavant documents confidenzials da la cumissiun per la politica exteriura. Cunquai haja ella probabel cuntrafatg al dretg da cumissiun, rapportan las gasettas da la dumengia.
Ils documents sajan vegnids scuverts en e-mails dad in politicher dal Kasachstan. Nunenconuschents hajan publitgà quels en l'internet. Markwalder conceda d'avair barattà ils documents cun ina lobbista. Che quels sajan però vegnids tramess vinavant en il Kasachstan saja betg professiunal e dischillusiunant, uschia Markwalder.
